Монгол Улсын Засгийн газрын 2022.12.12-ны өдрийн ээлжит бус хуралдааны шийдвэрээр “Тавантолгой төмөр зам” ХХК-д 6 сарын хугацаатай онцгой дэглэм тогтоож, онцгой бүрэн эрхт төлөөлөгч томилохоор шийдвэрлэсэн. Уг шийдвэрийн дагуу Зам, тээврийн хөгжлийн сайд С.Бямбацогт болон холбогдох албаны хүмүүс “Тавантолгой төмөр зам” ХХК-д ажиллаж, Засгийн газрын онцгой бүрэн эрхт төлөөлөгчөөр томилогдсон Н.Мягмарт ажлыг хүлээлцүүллээ. Энэ үеэр ЗГХЭГ-ын дэд дарга У.Бямбасүрэн “Тавантолгой төмөр зам ХХК-ийн талаар авах зарим арга хэмжээний тухай” 459 дугаар тогтоолыг уншиж танилцуулав.