"Web Awards 2021" цахим салбарын тэргүүн наадамд орон нутгийн шилдэг сайтаар nutag.mn шалгарлаа.
Монголын сайтын холбоо, Монголын сэтгүүлчдийн нэгдсэн эвлэл, Харилцаа холбоо мэдээллийн технологийн газар, Харилцаа холбооны зохицуулах газар хамтран 2 жилд нэг удаа зохион байгуулдаг "Web Awards 2021"цахим салбарын тэргүүн наадам энэ жил цахим сэтгүүл зүйд бодит эх сурвалжтай мэдээлье уриан дор 2021 оны 12-р сарын 30-ны өдөр болж, цахим салбарын тэргүүнүүдээ тодрууллаа.
Энэ жил 5 дах удаагаа зохион байгуулагдаж буй тус шалгаруулалтын орон нутгийн шилдэг сайтаар nutag.mn шалгарлаа. “Нутаг мэдээлэл медиа сэтгүүл” хэвлэл мэдээллийн байгууллага нь NUTAG.mn сүлжээ сайтыг 2015 оноос эрхлэн ажиллуулж байна. Манай сайт нь 21 аймаг, 9 дүүргийн өдөр тутмын мэдээллийн 30 гаруй сайтыг сүлжээгээр нэгтгэн нэг админ программд холбон мэдээлэл солилцон түгээж ажилладаг.Нутаг платформ нэгдсэн сүлжээ нь Монгол улс даяар өрнөж буйөдөр тутмын мэдээ мэдээллийг түргэн шуурхай нэгэн зэрэг түгээх, аймаг, орон нутаг, дүүргийн уншигчдад тохирсон мэдээллийг ангилан хүргэдэг.
Ингэснээр улс төр, нийгэм, цаг үеийн мэдээ мэдээллүүдийг аль ч дүүрэг, аймаг, сумаас цаг алдалгүй, түргэн шуурхай утаснаасаа нэгэн зэрэг хүлээн авж санал бодлоо хуваалцах, иргэдийн оролцоог цахим сэтгүүлзүйд нэмэгдүүлэх үнэн зөв мэдээллээр хангах зорилго тавин ажиллаж байна. Мөн аймаг дүүрэг бүрд нийгэмд ээлтэй тэмцээн уралдаан зохиох, төсөл ажлуудыг хэрэгжүүлж эхлээд байгаа юм.
